MARE

Descripción

Maré, de Manuel Barreiro e Elías Taño, ambiéntase nunha desas vilas mariñeiras que descansan no colo das rías e céntrase nunha singradura dun patrón que, malia ser un home de mar, de familia mariñeira, de tradición, non é un romántico: vai ao mar porque é o que sabe facer, porque hai que comer. É prudente, porque sabe do perigo que é desafiar unha forza inmensa que de cando en cando cobra un prezo en vidas que sempre é excesivo. Tamén é a historia dunha familia que, como moitas na costa, aprendeu a vivir coa ameaza da traxedia; das mulleres que sostiveron un modo de vida enfrontándose ao destino, á partida, á espera, ao traballo e á morte, que está sempre presente.

PREMIO CASTELAO DE BANDA DESEÑADA

Edición en lingua galega.